سألوا حضري قالوا له وش احلى شئ مر عليك وانت صغير ؟ قال كنت العب مع ماما !
مره كنت جالس بالمجلس .. وطفشان .. القهوه بارده ومابقى الا " الهيل " مترسب تحت
google_protectAndRun("ads_core.google_render_ad", google_handleError, google_render_ad);
لدرجه اني قمت اكل الهيل من الزهق هههههههه هو مدري هيل ولا قهوه (
ماودك تخلص السالفه: !
والجو كان فله .. بس كل ماتصك السحب السماء .. اختفت مدري ليش
؟
جاء اخوي الصغير اسمه "
خالد " عمره
9 سنوات .. جلس عندي .. قلت له تعال ابي اسألك !
وش احسن شئ مر عليك وانت صغير ؟ قالي : والله يافارس كان احلى شئ مر علي ..
بس الحين ما راح يمر علي مره ثانيه ...! انا جاء في بالي انه يبي يقول العب مع ماما
ولا اروح الملاهي عادي .. ولا اكل حلاوا مصاص قدام الناس
قلت له وش ياخي قول ... قال كنت ادخل قسم الحريم بالاعراس الحين مايدخلوني ..
الله مير يشق وجهك هالحين هذا الى زعلان عليه ههههههههههههههه
هذا وانت اخو فارس .. المغوار المؤدب .. الي حاشر نفسه بالتمريض وهو يالله ينطق
الحروف .. A B C D ههههه .. هذيك المره كنت جالس بفتره التدريب بالغرفه
المهم شويه ودخلت فلبينيه .. من هالي يشتغلون بالمستشفيات قامت تحاكيني
انجليزي .. والله مدري وش تقول . وانا مير اسكتها بكلمه " YES "
نرجع لسالفه اخوي .. قلت له لا انت الحين رجال لو تدخل سودانيه تشخط فيك بالخيزرانه
الين تشق ظهرك .. قال لي : وش دراك انت جربتها ؟ وش دراك ان فيه سودانيه جوا
هههههههههههههههههه .. بيني وبينكم تراي انشخط كم مره .. بس كنت صغير ..
الله ياهو وناسه يوم تنحاش من السودانيات الي جوا .. بس والله لو تمسك
ان تخلي ظهرك كراسه ملونه .. مافيه رحمه
تشخط في خلق الله وبعد العرس تاخذ فلوس !! العنبوا راس الشيطان ؟
مره كنت راكب فوق "
دكه " عاليه عن الارض .. وشافتني سودانيه
وانا كنت ماسك ثوبي "
بسني " وانا يوم شفتها طايره باتجاهي ..
نطيت من فوق وانكسر سني هههههههههههههههه
ويوم جات قلت لها : والله طاح سني والله طاح سني !!
والله موقف ما انساه رغم انه قديم شوي .. وهذا اخوي خالد الله يسلمكم
انسان منتهي صلاحيته ! كل يوم المدير ورقه "
استدعاء ولي الامر "
لدرجه انه لاجاب ورقه ابوي مايفتحها يروح للمدير من البكره على طول ههههههههههههه
ثمن رديت سألته طيب ياخالد انت رجال الحين لازم تترك قسم الحريم !!
قال : طيب ليش الرجال مايلبسون مثل الحريم .. (
قايلن لكم صلاحيه مافيه )
قلت له . اذا عن هذي امعصي تبي تشوفها بقسم الرجال !!
والله ياهو فله هالادمي .. احسه يمر بفتره طفوله مثل طفولتي ..وانا دايم امشي وراه
وانصحه وكلمه .. ياحبني له .. يسمع مع اليسار ويطلع مع اليمين .. بعض الناس كيذا
يوم تنصحه تحس انك وصلت المعلومه .. ماتدري ان السمع الثانيه فيها " بنشر "
واخر مره كان العرس الاجازه الى راحت .. دخل بقسم الرجال .. وانا اناظر فيه وجهه
احسه متضايق .. قلت في نفسي (
شكله اشتاق للمناظر الحلوه .. ههههههههه )
وهالحين خلاص ابشركم تعًود يدخل بقسم الرجال ومايبكي ولا يدخل قسم الحريم
ولا صار يلبس عقال وحركات ... بيني وبينكم من بعض ماتكلمنا بالمجلس ..
احس اني اول مره اسوي شئ صح
وياشباب الي عنده بزارين عودوهم على قسم الرجال ..
فوائد (
داري ان الموضوع مامنه فائده .. بس الشكوه لله )
1 - لازم الي عنده اخوي صغير يعوَده على علوم الرجال
2 - انتبه لا تقول لاخوك اشياء شينه تراه يبي يعرف انك كنت تسويها !
3 - لا تمسك الثوب بسنك !
4 - خل الي يسوي لك قهوه يكثرها عشان ماهوب بعد كمن فنجان تاكل "
حتحت وبهيك .. قرطعت كل سواليفي ..
منقوووول